منتر کار وکړ؛ خليلي د پاکستان په ژبه وغږېده
د حزب وحدت اسلامي مشر کريم خليلي په پاکستان کې تازه څرګندونې کړې او له هغه هېواده يې مننه کړې ده چې د ده په خبره، همېشه يې د افغانستان خير غوښتی.
کريم خليلي نن په پاکستان کې يوې غونډې ته د خبرو پر مهال ويلي دي چې د افغانستان په سوله کې د پاکستان رول مهم و، مهم دی او مهم به پاتې وي.
دی په درې شپې سفر پاکستان تللی او دغه څرګندونې يې نن په اسلاماباد کې کړې دي.
ده تر اوسه پورې هلته د پاکستان له لومړي وزير عمران خان، د بهرنيو چارو له وزير شاه محمود قريشي او د پوځ له مشر قمر جاوېد باجوه سره ليدلي دي.
خليلي ويلي، ښايي د افغانستان د سولې په روانه پروسه کې به بېلابېل خنډونه پيدا شي.
ده ويلي، که له طالبانو سره سوله وشي، نو د داعش او نورو وسلهوالو پر ضد به افغانان جګړې ته وزګار شي.
خليلي زياته کړې ده چې پاکستان همېشه د افغانستان خير غوښتی او بايد په نيت يې شک و نه شي.
0 نظرونه