په غزني کې بيا چاودنه شوې
د غزني امنيتي چارواکي وايي، نن څلور بجې د غزني ښار د دويمې امنیتي حوزې اړوند سرې میاشتې ته څېرمه په یو بایسکل کې د ځای پر ځای شوي ماین د چاودنې له امله يو تن شهيد او درې نور ژوبل شوي.
د غزني د امنیه قومنداني ویاند احمد خان سیرت وايي، ټپیان د غزني ملکي روغتون ته انتقال شوي دي.
بېګا د غزني ښار په روضه کې د پوليسو يوه پوسته هم طالبانو نيولې چې وسلې او څو سرتېري يې ورڅخه له ځان سره وړي.
0 نظرونه