د ولسمشر نوی ټاکل شوی ارشد سلاکار محمد محقق وايي، د فېسبوک ادارې يې پاڼه ور تړلې ده.
محقق وايي، سره له دې چې پاڼه يې تاييد شوې وه، خو د امريکا پر کانګرس د مظاهره چيانو د ورختلو په اړه چې يې خپل نظر څرګند کړ، فېسبوک يې پاڼه ور وتړله.
محقق وايي، اوس يې ټوله اسره ټويټر ته ده او هيله لري چې هغه يې و نه تړي.
د عربي متحده اماراتو حکومت وايي، د انساني خواخوږي په اساس يې ولسمشر محمد اشرف غني او د هغه کورنۍ ته اجازه ورکړې ده چې د دوی پر هېواد ور کښته شي.
د امريکا متحده ايالاتو د مخکېني افغان حکومت نهه مليارډه او پنځه سوه ميليونه امريکايي ډالر کنکل کړي دي.
د طالبانو لاس ته د کندهار تر لوېدو يوه ورځ وروسته، نن د کندهار ملي راډيو ټلوېزيون نوم اړول شوی او د شريعت غږ په نامه يې خپرونې پيل کړې دي.
0 نظرونه