په ارګ کې سرچينو سرخط ورځپاڼې ته وويل چې ولسمشر د کندهار والي حيات الله حيات له دندې ګوښه کړ.
د ده د ګوښه کېدو لامل هغه څرګندونې بلل شوې چې ويلي يې و په کندهار کې اويا سلنه پوليسو دندې خوشې کړې دي.
ولسمشر په يوه حکم کې روح الله خانزاده د کندهار د نوي والي په توګه ټاکلی.
د عربي متحده اماراتو حکومت وايي، د انساني خواخوږي په اساس يې ولسمشر محمد اشرف غني او د هغه کورنۍ ته اجازه ورکړې ده چې د دوی پر هېواد ور کښته شي.
د امريکا متحده ايالاتو د مخکېني افغان حکومت نهه مليارډه او پنځه سوه ميليونه امريکايي ډالر کنکل کړي دي.
د طالبانو لاس ته د کندهار تر لوېدو يوه ورځ وروسته، نن د کندهار ملي راډيو ټلوېزيون نوم اړول شوی او د شريعت غږ په نامه يې خپرونې پيل کړې دي.
0 نظرونه