د بابا وانګا وړاندوينې؛ ۲۰۲۱ به انسانانو ته خونړی کال وي
۵ جدی ۱۳۹۹ 153 0 نظر سرخط ورځپاڼه

د بابا وانګا وړاندوينې؛ ۲۰۲۱ به انسانانو ته خونړی کال وي

 

د بلغاريا مشهوره نجومګره بابا وانګا چې په نړۍ کې د خپلو وړاندوينو له امله مشهوره ده، دوه زره يو ويشتم کال يې د انسانانو لپاره ښه نه دی بللی.

د راتلونکي مېلادي کال په اړه د بابا وانګا يا "وانګا انا" په وړاندوينو کې ويل شوي دي چې دغه کال به انسانان له ځينو بدو پېښو سره مخ شي.

د دې د وړاندوينو په اساس، ښايي په دغه کال ستونزې او غمونه د انسانانو تګلارې بدلې کړي.

دې په خپلو وړاندوينو کې اشاره کړې ده چې ښامار غوندې ځواک به درست بشر په ولکه کې ونيسي او درې دېبان به د نړۍ انسانانو ته لاره سره يوه کړي.

ځينې شنونکي له دېبانو د چين او د دغه هېواد د اقتصادي پرمختيا تعبير کوي.

په دغو وړاندوينو کې ويل شوي دي چې په دوه زره يوويشتم کال کې به انسانان لا ډېر د دين او مذهب په نومونو سره ووېشل او قرباني شي او په دې سربېره به، د روسيې د ولسمشر د وژلو هڅې هم وشي.

د امريکا د ولسمشر ډونلډ ټرمپ په اړه هم وړاندوينه شوې او ويل شوي دي چې له رواني ستونزو سره به مخ شي.

خو په دغو وړاندوينو کې يوه ښه خبره هم شته او هغه دا چې انسانان به په دغه کال کې د سرطان علاج پيدا کړي.

بابا وانګا تر دې وړاندې د شوري اتحاد د زوال، د چرنوبل د اټومي پېښې، په دوه زره څلورم کې پر اندونېزيا د سونامي راتللو، د سپټمبر د يوولسمې او ځينو نورو پېښو وړاندوينې هم کړې وې چې رښتيا شوې، خو ځينې يې دروغ هم ثابتې شوې دي.

دا په دې باور ده چې په يوويشتمه پېړۍ کې به نړۍ له منځه ځي.

مشهور نجومي وايي، سږ کال به د ډېرو واکدارانو تختونه واوړي

Jan 01, 2021 29

دوه زره شلم مېلادي کال د ډېرو په باور شوم کال و او يو ويشتم د هيلو، خو د نړۍ ډېری ستوري پېژندونکي وايي، دغه کال هم د تېر ورور دی، تر هغه بد نه دی، لږ ښه دی، خو ډېر نه دی.

تر ځمکه لاندې دوه زره کاله مخکېنی سماوار وموندل شو

Dec 27, 2020 29

د ايټاليا حکومت وايي، تر ځمکه لاندې يې هغه سماوار موندلی دی چې له نن څخه تر دوه زره زيات کاله مخکې جوړ شوی و او يو وخت ورباندې د خلکو خورا بېروبار و.

ترکيې ۹۹ ټنه خښ شوي سره زر موندلي

Dec 23, 2020 29

د ترکيې حکومت وايي، د ارطغرل د قبر شاوخوا يې، شاوخوا سل ټنه سره زر چې هغه وخت خښ کړل شوي ول، موندلي دي.

ستاسې نظر

لټون

موږ په فېسبوک کې