ملا برادر او ډله يې پر پاکستان ور کښته شول
پاکستانۍ رسنۍ وايي، د طالبانو د قطر د دفتر مشر ملا عبدالغني برادر او ډله يې لږ مخې د اسلاماباد پر هوايي ډګر ورکښته شوي او پاکستانيانو ورته ځانګړو شويو خونو ته رسولي دي.
دوی وايي، له ملا برادر سره نهه تنه نور طالبان هم ملګري دي او د سولې په خبرو کې له وقفې څخه په ګټه اخيستو پاکستان ته تللي.
ټاکل شوې ده چې د طالبانو دغه ډله به درې شپې په پاکستان کې تېروي او هلته به د پاکستان لوړپوړيو چارواکيو ته د سولې د پروسې په اړه راپور ورکوي.
0 نظرونه