په باميانو کې چاودنو ۶۴ تنه شهيدان او ژوبل کړي
نن ماښام د باميانو په مرکز کې پرلهپسې دوه چاودنې وشوې چې له امله يې تر اوسه پورې څوارلس تنه شهيدان شوي او تر شپېته ډېر ژوبل دي.
د باميانو د ولايتي روغتون مشر فروغ الدين اميري وايي، تر اوسه د دوی روغتون ته د پېښې له ځايه څوارلس جسدونه او د شپېتو په شاوخوا کې ټپيان ور وړل شوي دي.
د ده په خبره، په شهيدانو او ژوبلو کسانو کې ډېرې ښځې او ماشومان هم شامل دي.
تر اوسه د دغو چاودنو مسووليت چا نه دی منلی، خو په افغانستان کې دغسې چاودنې طالب اورپکي کوي.
0 نظرونه