طالبانو د ټاکنو د مخنيوي او د ملکي وګړو د خونديتوب ژمنه وکړه
طالبان وايي، د ټاکنو د ترسره کېدو د مخنيوي هڅه کوي خو د ملکي وګړیو او عامو افغانانو ژوند ته پاملرنه کوي.
د وسلهوالو طالبانو لهخوا د تلې په ١٦مه رسنيو ته د ټاکنو په اړه په درېيو ژبو يوه اوږده خبرپاڼه لېږل شوې ده.
په خبرپاڼه کې راغلي چې دغه ټاکنې هسې نمايشي دي او له درغليو او فساد څخه به ډکې وي.
طالبانو ويلي چې په تېرو ١٧ کلونو کې د ټاکنو په نوم ګڼې پروسې ترسره شوې چې يوې يې هم د ولس او هېواد درد نه دى دوا کړى، بلکې ستونزې يې زېږولې دي.
طالبانو په دې خبرپاڼه کې خپلو وسلهوالو ته ويلي چې د ټاکنو پر مهال دې د ملکي او عامو افغانانو ژوند او مال ته جدي پاملرنه وکړي، خو دا يې هم ورته ويلي چې د ټاکنو د ترسره کېدو مخنيوى هم وکړي.
طالبانو ويلي چې د هېواد د روان بحران اساسي حل له افغانستانه د بهرنيو ځواکونو په وتلو کې دى.
0 نظرونه