اسيايي سياليو لپاره ملي لوبډله اعلان شوه
افغان کریکټ بورډ د اسيايي سياليو لپاره اووهلس کسيزه ملي لوبډله اعلان کړه.
د کریکټ بورډ د غوراوي کېمټې مشر نوروز وايي، ١٧ کسيزه لوبـډله يې تر کره کتنې وروسته او د لوبغاړیو تېرو لوبو او وړتياوو ته په کتو سره اعلان کړه.
اعلان شوې لوبـډله محمد شهزاد محمدي، جاوېد احمدي، احسان الله جنت، رحمت شاه زرمتی، اصغر افغان، حشمت الله شهيدي، نجیب الله ځدراڼ، سميع الله شينواری، منیراحمد کاکړ، محمدنبي عیسیخېل، ګلبدين نایب، راشد خان، شرف الدين اشرف، مجیب الرحمن، افتاب عالم، سید احمد شېرزاد او وفادار شامل دي.
منګل هيله څرګنده کړه چې دا ځل به نه يوازې ملي لوبډله به په اسیا جام سیالیو کې ښه لوبه وکړي، بلکې ښې لاسته راوړنې هم ولري.
هغه د تېز توپ اچوونکي دولت ځدراڼ په اړه وويل چې د ډاکترانو د راپور پر بنسټ چې لا هم بايد تر درملنې لاندې وي، په لوبډله کې نه دی ځای شوی.
اسيايي جام سيالۍ د روان کال د سپټمبر میاشتې په ۱۵نېټه په متحده عربي اماراتو کې پيلېږي او د همدې میاشتې تر ۲۸ نېټې به دوام لري.
0 نظرونه