یوازیني مډال راوړونکې هم توره و نه کړه
په اندونیزیا کې د اسیایي لوبو د اتهلسم پړاو اتمه ورځ د افغان جوجیسټو لوبغاړیو له حذف سره پیل شوه.
د دې لوبو په لومړۍ ورځ، حسین بخش صفري په منفي ۶۲ کیلوګرام وزن کې وتوانېد خپل منګولیایی سیال څلور پر صفر ماتې ورکړي، خو په دویمه لوبه کې په خپله د اردني سیال پر وړاندې ۱۳ صفر ماتې وخوړه او د دې سیالیو له دوامه حذف شو.
د دې سیالیو په دویمه لوبه کې د هېواد بل لوبغاړي عبدالصبور رحیمي په منفي ۹۴ کیلوګرام وزن کې له یوه استراحت سره وتوانېد بل پړاو ته لاره پیدا کړي، خو هغه په خپلې دویمه لوبه کې د اماراتي سیال پر وړاندې څلور صفر ماتې وخوړه او د دې سیالیو له دوامه هغه هم وویستل شو.
0 نظرونه