سپی او د غلا هډوکی
۳ سنبله ۱۳۹۷ 182653 0 نظر سرخط ورځپاڼه

سپی او د غلا هډوکی

 

یو سپی ډېر وږی و او د خوراک په لټه کې پرېشانه یوې او بلې خوا ته ګرځېده، یو دم یې سترګې د قصاب پر دوکان ولګېدې، پټ پټ ورغی او د قصاب له دوکانه یې د غوښې یو غټ هډوکی را پټ کړ.

اوس نو سپی د داسې ځای په تلاش کې و چې دا غلا شوی هډوکی په ارامه پکې وخوري؛ نو پر یو پله تېرېدو چې لاندې یې پاکې او رڼې اوبه روانې وې، سپي چې اوبو ته وکتل خپل عکس په اوبو کې ښکاره شو، فکر یې وکړ چې په ابو کې بل سپی دی او په خوله کې یې غټ هډوکی نیولی، بس سپي اراده وکړه چې د دې بل سپي له خولې هډوکی را وباسي او هډوکي به دوه شي، لږ ګزاره به پرې وشي.

سپي اوبو ته ور ټوپ کړ، له دې سره یې په خوله کې هډوکی هم په اوبو کې ترې ولوېد او ورک شو، بل دا چې ده ته کوم سپی ورښکارېده هغه هم تري تم شو، هيڅ نه و.

سپی لوند خیشت شو، له یخني رپېده.

کور ته چې راغی او مور ته يې کيسه وکړه، هغې ورته وويل؛

سپيه زويه! غلا او ظلم بدې بلاوې دي، هيڅکله په مړو سترګو د بل حق مه خوره، بلکې په جګو سترګو د خپلو لاسو په خواري نس موړ کړه، درېيمه خبره دا ده چې هر څه لرو بايد قناعت پرې وکړو.

سپي د خپلې مور خبره ومنله او له هغه راهيسې سپی په خپل زحمت خپل نس مړوي.

اوس به بريټانوي ماشومان پر سپوږمۍ لوبې کوي

Dec 01, 2020 29

راتلونکی کال به د بريټانوي ماشومانو دوه ريموټي موټرونه د سپوږمۍ پر مخ ور کښته شي او بيا به ورباندې د بريټانيا د ښوونځيو ماشومان له ځمکې لوبې کوي.

مېږی او کوتره 

Oct 03, 2018 29

یو وخت د اوړي ټکنده غرمه وه، یو تږی مېږی کښته پورته ستړی ستومانه وچ حلق لالهانده په اوبو پسې ګرځېده، تر ښه ډېر وخت وروسته یې د اوبو یوه چينه پیدا کړه، مېږي د چینې څنډې ته ور [...]

زمری او موږک

Sep 12, 2018 29

يوه ورځ د ځنګله پاچا زمری ويده و، يوه کوچني موږک د زمري چار چاپېره کښته پورته ځغستل، په دې سره زمری ډېر ژر را ويښ شو، زمري په خپله لويه خپړه کې موږک را ونيو او قوي ژامه يې [...]

ستاسې نظر

لټون

موږ په فېسبوک کې