چين نوی سپر کمپيوټر جوړ کړ
چينايي رسنۍ وايي، چين د پروټوټايپ سن وې په نامه يو سپر کمپيوټر جوړ کړی دی چې په ساينسي څېړنو او د روغتيا په برخو کې به ګڼې اسانتياوې جوړې کړي.
دوی وايي، سن وې ایگزا سکیل کمپیوټر پروټو ټايپ، نیشنل ریسرچ سنټر اف پیرالل کمپیوټر انجینيرنگ اینډ ټکنالوجي يا (اینارسيپيسي)، نیشنل سپر کمپیوټنگ سنټر او پايلټ نیشنل لیبارټري فار میرین ساينس اینډ ټکنالوجي ادارو په شريکه جوړ کړی دی.
د تر لاسه شويو مالوماتو په اساس، پروټوټايپ سن وې کولای شي په اسانۍ، يو ميليون په توان د پنځه حسابونه په يوه ثانيه کې وکړي.
تېره مياشت هم چين د يوه بل سپر کمپیوټر ازموينه کړې وه چې ټاکل شوې ده چې په دوه زره شلم کال کې به جوړ شي.
چينايي رسنۍ وايي، دغه کمپيوټر به د هوا د حالاتو په اړه واړندوينه کوي، د سمندر د تل مالومات په انسانانو ته ورکوي، اقتصادي ډېټا به پروسس کوي او په دې سربېره به د روغتيا او ساينسي څېړنو په برخو کې انقلاب راولي.
دوی وايي، دغه کمپيوټر به د پنځو کالو کار په پنځه اوونۍ کې کوي.
0 نظرونه