بېټرۍ ولې چارج ساتي؟
يارانو تاسې څنګه ياست، خدای دې وکړي طبيعتونه مو برابر وي!
بالتۍ، بېټرۍ يا مسالې پېژنئ؟
د سرخط په دې ګڼه کې د بالتيو په اړه مالومات درکوو چې څه ډول چارج پکې ذخيره کېږي او څه ډول بيا راډيو، ټيپ او يا نور شيان پرې چالانېږي؟
بېټرۍ په لومړي ځل په ايټاليا کې د الکساندر ولټا په نوم يوه سړي جوړه کړه. په بېټرۍ کې سکاره، تېزاب، مس او پلاسټيک وي، کله چې مس له تېزابو سره يو ځای شي، تېزاب د مسو په خوراک پيل کوي او په همدې حالت کې چارج هم ورکولای شي.
تاسې به کله بېټرۍ ماته کړې وي، په بېټريو کې د سکرو يوه ميله، اسيډ «تېزاب» مس، پلاسټيک او اوسپنه کارول شوې وي. بېټرۍ په ټاکلې کچه چارچ لري چې دغه چارچ يې په مصرفېدو ختمېږي؛ ځکه چې دننه مواد يې کمزوري کېږي، خو د بېټريو چارچ يوازې په استعمال نه، بلکې که همداسې هم ايښې وي، ختمېږي.
په بېټرۍ کې چې کله مس له تېزابو سره يو ځای کېږي، تېزاب د مسو په خوراک پيل کوي او په نتېجه کې د هايډروجن ګاز او تودوخه توليدېږي. که چېرې يوازې کاربني ميله له تېزابو سره يو ځای شي، هيڅ ډول غبرګون نه لري .
د بېټرۍ تر موادو لومړی پلاسټيک يا مسي پوښ او تر هغه وروسته د اوسپنې پوښ راګرځېدلی وي، ځکه داسې جوړې شوې دي چې تېزاب، پلاسټيک او مس له منځه نهشي وړلای، خو که اوسپنه وي، تېزاب يې له منځه وړي.
که د يوه سيم په وسيله کاربني ميله له مسو سره وصل شي، د برېښنا جريان او يو څه تودوخه هم ورسره پيدا کېږي. همدغه تودوخه هماغه برېښنا ده چې بېټرۍ يې له خپلو منفي او مثبتو اړخونو څخه شيانو ته ورکوي او خلک ترې کار اخلي؛ خو په بېټرۍ کې د برېښنا موجوديت او جريان په سترګو نه شي ليدل کېدای.
1 نظرونه
پروین
جمعه، ۲۴ حمل ۱۳۹۷پاسخزهیرمل
March 8, 2018ReplyHamid Asadi
March 8, 2018ReplyAzizi
March 8, 2018Reply