د بنګلهدېش لوبډله د شل اوریزو سیالیو لپاره هم پاکستان ته نه شي تللی
د بنګلهدېش لوبډله د شل اوریزو سیالیو لپاره هم پاکستان ته نه شي تللی
د بنګلهدېش کرېکټ بورډ د امنیتي ګواښونو له امله له پاکستان سره شل اوریزو سیالیو ته د شک په سترګه ګوري.
د دغه هېواد د کرېکټ بورډ رییس نظمالحسن یوې خبري ناستې وویل، د لوبډلې روزونکي غړي او همداشان ځینې لوبغاړي نه غواړي چې پاکستان ته سفر وکړي.
هغه زیاتوي، ان د ځینو لوبغاړیو کورنۍ هم نه غواړي چې دوی پاکستان ته د سیالیو لپاره لاړ شي.
نوموړی په دې اړه دوو موضوعاتو ته اشاره کوي او وايي، د امنیتي ګواښونو له امله د لوبغاړیو کورنۍ هغوی ته اجازه نه ورکوي چې پاکستان ته لاړ شي او بل دا چې لوبغاړي ځکه د پاکستان سفر نه خوښوي چې دوی هلته د یوه زندان په شان ځای کې ساتل کېږي.
هغه بیا هم خپله پخوانۍ خبره تکراروي چې هېڅکله به خپل لوبغاړي دې ته اړ نه کړي چې پاکستان ته سفر وکړي.
دا په داسې حال کې ده چې د بنګلهدېش کرېکټ بورډ څه وخت مخکې هم ویلی وو چې پر خپلو لوبغاړیو به پاکستان ته د سفر لپاره هېڅ ډول فشار وارد نه کړي.
0 دیدگاه