ویرنون پلينډر له نړیوال کرېکټ نه استعفا وکړه

ویرنون پلينډر له نړیوال کرېکټ نه استعفا وکړه

د سوېلي افریقا الرونډر ویرنون پلينډر د نړیوال کرېکټ له هر فارمټ نه خپله استعفا اعلان کړه.

نوموړی وايي، د انګلستان خلاف را روانې ټېسټ لوبې به د هغه د نړیوال کرېکټ وروستۍ لوبې وي.

پلینډر په نړیوال کرېکټ ډګر کې څه باندې دولس کاله لوبې وکړې چې خپل هېواد ته یې خورا بریاوې وګټلې.

نوموړي په دغې موده کې د کرېکټ په درې فارمټونو کې ټول‌ټال ۹۷ لوبې کړي چې ټولې ۲۶۱ ویکټې او ۱۷۸۴ منډې په خپل ریکارډ کې لري.

 نوموړی د وروستي ځل لپاره د انګلستان خلاف د را روانو څلورو ټېسټ لوبو سیریز لپاره په لوبډله کې اخیستل شوی دی.

د یادولو ده چې دا سیالۍ به د سوېلي افریقا په کوربه‌توب د ډسمبر میاشتې په ۲۶مه نېټه وشي.