سږ کال تر اوسه ۲۵۵ ټنه تازه مېوه بهر ته صادره شوې
د سوداګرۍ او صنایعو وزارت وایي، سږ کال تر اوسه ۲۵۵ ټنه تازه مېوه بهرنیو هېوادونو ته صادره شوې، چې د تېر کال په پرتله د تازه میوو په صادراتو کې ۳۰ سلنه ډېروالی ښيي.
د سوداګرۍ او صنایعو وزارت ویاند سمیر رسا وايي، د افغانستان د تازه مېوو صادرات سږ کال هند، چین، اروپا، اماراتو او ترکیې ته د هوايي دهلېزونو د پرانیستې له کبله زیات شوي دي.
د سوداګرۍ او صنایعو وزارت وايي، په هوايي ډګرونو کې د سړو خونو نشتوالی هغه ستونزه ده چې د افغانستان د تازه میوو د صادراتو په مخه کې خنډ جوړوي.
خو سوداګر بیا وایي، هوایي دهلېزونه د صادراتو ډېرولو حل لاره نه ده، بلکې حکومت باید د ځمکني ټرانزیټ په برخه کې د دوی د صادراتو پر وړاندې ستونزې حل کړي.
0 دیدگاه