ولسمشر: ژر به د کندهار پوهنتون تشکیلات پوره شي
ولسمشر غني وايي، لوړو زدهکړو وزارت د کندهار پوهنتون د تشکیلاتو د کمبود طرحه چمتو کړې، چې ژر به تایید او عملي شي.
نوموړي نن پنجشنبه کندهار ته د سفر پر مهال وویل، چې د یاد پوهنتون د تدریسي بلاکونو لپاره یو میلیون ډالر ورکول شوي، چې باید چارې یې تعقیب شي.
ولسمشر ژمنه وکړه، چې د دغه ولایت د خصوصي پوهنتونو د کیفیت د لوړاوي لپاره به هم سیمینارونه او ورکشافونه جوړ کړي، تر څو له دولتي پوهنتون سره په یوه انډول خدمات وړاندې کړي.
ولسمشر غني د کندهار د معارف د اصلاح په اړه هم لارښوونې او سپارښتنې وکړې.
غني کندهار والي حیات الله حیات ته سپارښتنه وکړه، چې په دوو اوونیو کې د معارف ریاست لپاره نوي اشخاص ورته معرفي کړي.
د ده په وینا، د پوهنې لپاره بودجه ځانګړې شوې، چې ژر به یې د یوه هیئت په مرسته کار پیل شي.
ولسمشر د کتابونو د کمبود یادونه هم کړې او په خبره یې ژر به د کتابونو ستونزه هم حل شي.
0 دیدگاه