قریشي؛ راتلونکی کال کې د افغانانو له‌پاره ستره ډالۍ سوله ده
۲۵ قوس ۱۳۹۷ 570 0 نظر سرخط

قریشي؛ راتلونکی کال کې د افغانانو له‌پاره ستره ډالۍ سوله ده

د افغانستان، پاکستان او چین د بهرنیو چارو وزیرانو په کابل کې درې اړخیزه غونډه وکړه چې په دې غونډه کې دريو واړو د افغانستان او سیمې د وضعیت تر څنګ تر ډېره له ترهګري سره پر ګډې مبارزې، د سیمې پر اقتصادي پرمختګ او په افغانستان کې د سولې د ټینګښت پر لارو چارو متمرکزه وه.

د افغانستان د بهرنیو چارو وزیر صلاح‌الدین رباني د دې ناستې پر مهال یو ځل بیا د افغان سولې راوستلو بهیر کې له پاکستانه د عملي او رښتيني ګامونو اخیستلو غوښتنه وکړه.

د چین د بهرنیو چارو وزیر وانګ بیا له طالبانو وغوښتل چې له افغان حکومت سره د سولې خبرو ته کښېني او په افغانستان کې روانه جګړه ختمه کړي.

په دې ناسته کې د پاکستان د بهرنیو چارو وزیر شاه محمود قریشي وویل، هڅه کوي د کابل او اسلام اباد تر منځ رامنځ‌ته شوې بې باورۍ فضا، د باور په فضا بدله کړي چې په وینا يې راتلونکی کال د افغانستان د خپلواکي بیا اخیستلو سلمه کالېزه ده او په دغه کال د افغانانو له‌پاره تر ټولو لویه ‌ډالۍ سوله راوستل دي.

د افغانستان، پاکستان او چین د بهرنیو چارو وزیرانو په تېره ډسمبر میاشت کې په پیکېنګ کې خپله لومړۍ درې اړخیزه غونډه کړې وه.

ملي پراختیا شرکت ۴۰ زره کسانو ته د کار زمینه برابروي

Apr 01, 2020 29

ولسمشر محمد اشرف غني تېره شپه له کرونا سره د مبارزې بېړنۍ کمېټې له غړیو سره کتنه کې ټینګار کړی چې د ملي پراختیا شرکت به، د یوې میاشتې په لړ کې ۴۰ زره کسانو ته د کار زمینه برابره [...]

ملګرو ملتونو د افغانستان لپاره خپله نوې استازې معرفي کړې

Mar 25, 2020 29

ملګرو ملتونو د یاممتو پر ځای د افغانستان لپاره خپله نوې استازې معرفي کړې ده.

ترانسپورټ وزارت سږ کال ۱۲.۳ میلیارده افغانۍ عواید ټول کړي

Mar 14, 2020 29

ترانسپورټ وزارت وايي، سږ کال د ټرانسپورټي خدمتونو د وړاندې کولو له لارې ۱۲.۳ میلیارده افغانۍ عواید راټول شوي دي.

دیدگاه شما

فیلدی بامشخصات (*) الزامی است.

جستجو

سرخط خبرهای پشتو

سرخط در فیسبوک