"د طالب قوماندانانو له منځه وړل زیاتېږي"
ځینې افغان امنیتي چارواکو وايي، د طالبانو د جګړې د ډګر هغه قوماندانان په نښه کېږي چې د سولې د خبرو مخالف دي.
د نوم نه ښوولو په شرط رویټرز خبري اژانس ته ځینو امنیتي سرچينو ویلي، د طالبانو د جګړې د ډګر قوماندانان د سولې د هڅو لپاره خورا لوی خنډ دي چې په وینا يې، افغان امنیتي ځواکونو او امریکایانو د سولې خبرو ته د لار اوارولو لپاره د دغو قوماندانانو د له منځه وړلو پلان جوړ کړی دی.
دا خبره داسې مهال په ډاګه کېږي چې افغان او امریکايي هوايي ځواکونو په تېرو دوو اوونیو کې په هلمند، غور او پکتیکا کې د طالبانو درې والیان ووژل.
0 دیدگاه