د نړۍ تر ټولو یخ ځای
په جنوري میاشت کې د دغه ځای د حرارت درجه منفي ٥٠ درجې وي او د سترګو رپ سره پهکې مایعات کنګل کېږې.
د دغه ځای اوسېدونکي پهخپلو کورونو کې پايپ نه لګوي؛ ځکه ویره لري چې د یخ له کبله پایپ و نهچوي. دغه راز پهدې ځای کې موټر چلوونکي تل هڅه کوي چې پر لاره موټر ګل نهکړي؛ ځکه که یې خاموش کړ، د ټانکۍ پېټرول یې یخ نیسي.
پوښتنه دا ده چې دغه ځای د نړۍ په کومه برخه کې دی؟ موږ به یې درته ووایو، د نړۍ تر ټولو دغه یخ ځای د سایبریا په اومیاګون کې دی او د هوا پېژندنې د مالوماتو له مخې، د همدې کال په پیل کې به یې هوا منفي ٦٢ درجو ته ورسېږي.
که څه هم ویل يې اسانه خبره ده، خو هلته لا هم خلک اوسېږي. ماشومان ښوونځيو ته ځي او ځایي اوسېدونکیو هېڅکله هم د مایوسۍ احساس نهدی کړی. ماشومان تر هغه وخت پورې ښوونځيو ته ځي چې د حرارت درجه پهکې له منفي ٥٢ نه لوړه شوې نهوي.
0 دیدگاه