ارګ د سبسټېشنونو د جوړولو تړونونه لاسلیک کړل
د حکومت اړوندو ادارو د ولسمشر اشرف غني په حضور کې د خوش تېپې کانال، کونړ او پکتیکا ته د برېښنا د لېږد او سبسټېشنونو د جوړولو تړونونه لاسلیک کړل.
له ارګه په خپرې شوې خبرپاڼې کې لیکل شوي چې دغه تړونونه د امریکا سفیر، د امریکا د پراختیايي ادارې مرستیال، د اسیا پراختیايي بانک ريیس او د افغانستان برېښنا شرکت ترمنځ لاسلیک شول چې له مخې به یې د خوش تېپې د اوبو لګولو او برېښنا د تولید پروژه چې ۲۷۰ کیلومتره اوږده ده او پنځه لکه هکتاره ځمکه خړوبوي، جوړېږي.
په خبرپاڼه کې زیاته شوې، له ننګرهاره کونړ او له غزني نه پکتیکا ته د برېښنا په لېږدولو سره به نږدې ۶۰ زره کورنیو ته برېښنا ورسېږي.
0 دیدگاه