ولسمشر غني سویس ته لاړ
ولسمشرۍ ماڼۍ وايي، ولسمشر محمد اشرف غني د دوشنبې په ورځ د یو لوړپوړي دولتي پلاوي په مشرۍ د سویس جنیوا ښار ته لاړ.
ټاکل شوې، ولسمشر غني د افغانستان په اړه د جنیوا په کنفرانس کې د ګډون ترڅنګ د دغه کنفرانس ګډونوالو ته وینا هم وکړي او د کنفرانس په څنډه کې به د یو شمېر هېوادونو له استازيو سره هم وګوري.
د افغانستان په اړه د جنیوا دوه ورځنی کنفرانس د سهشنبې په ورځ پرانستل کېږي چې د ۷۰ هېوادونو او د ۳۰ نړېوالو بنسټونو استازي پهکې ګډون لري.
بله خوا د مالیې وزارت مسوولان وايي، په دغه غونډه کې له افغانستان سره نوې مالي ژمنې نه کېږي، بلکې دغه د دوه اړخیزو ژمنو د ارزونې او تازه کولو کنفرانس دی.
د مالوماتو له مخې، افغان حکومت او نړېواله ټولنه به په جنیوا کنفرانس کې د ۲۰۱۹ او ۲۰۲۰ کلونو لهپاره ګډې ژمنې وکړي.
0 دیدگاه