يوې هندۍ ښځې يوهنيمه کيلو اوسپنې خوړلې
د هند په مهارا شټرا ايالت کې يوه څلوېښت کلنه ښځه چې سنګيتا نومېږي، ډاکټرانو يې له معدې څخه شاوخوا يوه نيمه کيلو اوسپنې را ايستلې دي.
هندۍ رسنۍ وايي، د سنګيتا په معده درد و او خلکو ملکي روغتون ته يووړه، هلته چې يې عکس واخيستل شو، مالومه شوه چې له معدې يې سم ګودام جوړ کړی دی.
په دغو اوسپنو کې منګل سوتر، مېخونه، ستنې، د بنګړو ټوټې او نورې اوسپنې شاملې دي.
ډاکټران وايي، سنګيتا کورنۍ نه لري، دماغي توازن يې برابر نه دی او پر سړکونو ګرځي.
دوی وايي، دغه ناروغي چې سنګيتا ورباندې اخته ده، Acuphagia نومېږي او ناروغ په دغه ناروغي کې اوسپنې، مېخونه او کلک شيان تر ستوني تېروي.
موږ او تاسې دې خدای له داسې ناروغي ساتي. تاسې واياست، امين.
0 دیدگاه