يوه مړه بوډۍ بيا را ژوندۍ شوه
تاسې به ښايي په ځينو افسانو کې اورېدلي وي چې مړی را ژوندی شي، بيا به مو د هندوستان په فلمونو کې ليدلي وي چې سړی مړ شي، خو بېرته هلته را روان وي، اما همداسې يوه کيسه په هندوستان کې د رښتياوو شوې ده.
کیسه داسې ده چې د هندوستان په راجستان کې یوه زړه ښځه له ټولو کلتوري او مذهبي مراسمو وروسته، کله چې سوځول کېده، بېرته ژوندۍ شوې ده.
۹۵کلنه بده رام د راجستان په یوه لېرې پرته سیمه کې اوسېده او یو ناڅاپي پرې د زړه حمله راغله.
کورنۍ یې هم د مراسمو لپاره پنډت را وغوښت، مګر کله چې ټول مراسم پر ځای شول او هغه سوځول کېده، ناڅاپه کښېناسته او ټول خلک یې هک پک کړل.
اوس د هغې کورنۍ وايي، خدای یې مشرې ته دویم ژوند ورکړی دی.
0 دیدگاه