حکومت طالبانو ته پڅ ځواب ورکړ

کورنیو چارو وزارت د مسکو په غونډه کې د طالب استازیو د خبرو په غبرګون کې وايي، افغان امنیتي ځواکونه په زیاته کچه پوځي اسانتیاوې لري.

د مسکو په ناسته کې طالبانو ویلي، د هېواد پنځه اویا سلنه خاوره یې لاس کې ده او افغان سرتېري پوره تجهیزاتو ته لاس‌رسی نه‌لري.

اوس د کورنیو چارو وزارت وايي، طالبان نه‌شي کولای د جګړې له لارې خپلو موخو ته ورسېږي.

طالب استازیو په مسکو کې خبریالانو ته ویلي، په افغانستان کې د بهرنیو ځواکونو په وتو سره سوله راځي.

طالب استازي خبرداری ورکوي، دوی به بهرني ځواکونه له افغانستانه به زوره وباسي.