د باغدارۍ لپاره ۷۵ مېليونه ډالره مرسته کېږي
د کرنې، اوبه لګونې او مالدارۍ وزارت وايي، نړیوال پراختیايي بانک په افغانستان کې د باغدارۍ د ودې او پراختيا لپاره د ۷۵ مېليون ډالرو مرسته کوي.
د دې وزارت ویاند اکبر رستمي وايي، دا پیسې به د باغ لرونکو او کروندګرو د پياوړتیا، د غلو دانو د تولید د زیاتوالي او د کرنيزو متشبثینو د ملاتړ په برخه کې ولګول شي.
دی زیاتوي، د نړیوال پراختیايي بانک د دې مرستو په لګولو سره به زراعتي تولیدات زیات او ورسره به د خلکو په اقتصاد کې هم د پام وړ بدلون راشي.
0 دیدگاه