حکومت لا د مسکو غونډې په اړه پرېکړه نه ده کړې
د بهرنیو چارو وزارت وايي، د مسکو په غونډه کې د ګډون په اړه خبرې اترې دوام لري او په دې اړه تر اوسه وروستۍ پرېکړه نه ده شوې.
د دې وزارت ویاند صبغت الله احمدي وايي، د مسکو په غونډه کې د افغان حکومت د استازي د ګډون په تړاو خبرې دوام لري.
دی زیاتوي، د افغان حکومت له ګډون او مالکیت پرته به د غونډې جوړېدل، اغېزناک نه وي.
هغه د مسکو په غونډه کې د ځینو افغان سیاستوالو ګډون ته په اشارې سره ویلي، افغان حکومت د سیاستوالو د ګډون او نه ګډون په تړاو مسوولیت نه لري، هغوی پېژندل شوې څېرې دي او له دې امله بلنه ورکړل شوې ده.
0 دیدگاه