د الچین پل د تخریب له امله سلګونه سوداګریز موټر بند پاتې دي
د کندوز د سوداګرۍ او صنایعو خونې مسوولین وايي، د الچین پل د تخریب له امله، سلګونه په سوداګریزو توکو بار موټرونه د پل دواړو غاړو ته بند پاتې دي.
چارواکي وايي، د کندوز او شېرخان بندر ترمنځ لویه لاره هم پرې شوې ده.
د دې خونې د عامل مدیر مسعود وحدت ویلي، له دې وړاندې به په دې لویه لاره سلګونو په سوداګریزو توکو بار موټرو تګ راتګ کاوه.
دی زیاتوي، اوس مهال د دې لارې د بندېدو له امله سوداګر خپل مالونه د دشت ارچي له لارې انتقالوي چې له یوې خوا اوږده ده او له بلې خوا ناامنه ده.
دی وايي، که یاد پل ژرترژه ونهرغول شي، د شېرخان بندر د سوداګریزو فعالیتونو د بندېدو لامل به وګرځي.
0 دیدگاه