د پکتیا ۳ زره کسان د شاتو کار کوي
د پکتيا د کرنې، اوبه لګونې او مالدارۍ رياست وايي، له دې ولايت څخه هر کال د شاتو اووه سوه ټنه حاصل ترلاسه کېږي چې په نورو ولايتونو کې یې ساری نه ليدل کېږي.
د دې ولایت د کرنې رييس وليد احمد تسل وايي، هلته کابو سل زره صندوقه د شاتو مچۍ شته چې له هر صندوق څخه په کال کې په منځني ډول اووه کيلو ګرامه شات تر لاسه کېدای شي.
تسل دغه د شاتو خورا زيات ظرفيت يادوي چې په خبره يې تر اوسه ورته پام نه دی شوی او که تر منظمې څارنې لاندې يې ساتنه او پالنه وشي، نو په خبره يې، نورو هېوادونو ته به هم صادر شي.
0 دیدگاه